Bráðum fæðast lítil lömb

 Bráðum fæðast lítil lömb.

Bráðum fæðast lítil lömb
leika sér og hoppa.
Með lítinn munn og litla vömb
lambagrasið kroppa.
Við skulum koma og klappa þeim
kvöld og bjartar nætur
reka þau í húsin heim
hvít með gular fætur.
 
Fuglarnir, sem flýðu í haust
fara að koma bráðum.
Syngja þeir með sætri raust
sveifla vængjum báðum.
Við skulum hlægja og heilsa þeim
hjartans glöð og fegin,
þegar þeir koma þreyttir heim
þúsund mílna veginn.
 
(lag: Fljúga hvítu fiðrildin)